پەرلەمانتاران یان ئەوانەی لەسەر پشکی کورد و بە پشتیوانی کورد پۆست و پلە و پایەیان لە بەغدا وەرگرتووە و موزایەدەی نوێنەرایەتی گەل دەکەن، ئەوکاتە دەبنە نوێنەری شەرعی و راستەقینەی خەڵکی کوردستان، کە لە بەغدا بێ ترس و بێ رەچاوکردنی پاراستنی بەرژەوەندی حزبی و کەسی کوردانە دەنگ هەڵبڕن و بڵێن، ئێمە کوردین و لەگەڵ هەر بڕیارێکین کە خەڵکی کوردستان بیدات، نەک بڕیاری خەڵکی کوردستان بە پیلانگێڕی دژی یەکپارچەیی خاکی عێراق ناو بەرن،
بۆیە دەڵێم: ئەگەر بە راستی خۆیان بە نوێنەری کورد دەزانن و نوێنەری گیرفان و بەرژەوەندی خۆیان نین! لە بەرامبەر ئەو هەموو بڕیارە شۆڤێنی و دژە کوردانەی عەرەب پێویست بوو لە رووی شۆڤێنیەکانی عەرەب، ئەگەر بۆ جارێکیش بووایە ئەو شیعرەی مامۆستا هەژار موکوریانیان گوتبایە.
بە کوردی دەژیم بە کوردی دەمرم
بە کوردی دەیدەم وەڵامی قەبرم