نوری مالیکی سەرۆکی هاوپەیمانی دەوڵەتی یاسا رایگەیاند، هاوپەیمانی دەوڵەتی یاسا هیچ وەزیرێکی لەکابینەی حکومەتی نوێی عێراقدا نیە و ئەوەش یەکێک بوە لە هۆکارە سەرەکییەکان کە دەنگیان بە کابینەی حکومەتی نوێ نەداوە، جێبەجێکردنی چوار داواکاریشی کردە مەرجی پشتیوانیکردنی حکومەتەکەی کازمی.

داواکارییەکان بریتین لە گەڕانەوەی پێگە و دەسەڵاتی حکومەت، ئەنجامدانی هەڵبژاردنێکی پێشوەخت و پاک و بێگەرد، چارەسەرکردنی کێشەی ئابوری و پێشێلکارییە ئەمنییەکان


بەپێی هەواڵێکی بەغداد ئەلیەوم، ئەمرۆ چوارشەممە لەچاوپێکەوتنێکی رۆژنامەوانیدا نوری مالیکی سەرۆکی هاوپەیمانی دەوڵەتی یاسا رای خۆی لەبارەی پێکهێنانی حکومەتی نوێی عێراق ئاشکراکرد و رایگەیاند هاوپەیمانێتییەکەمان هیچ وەزیرێکی لە حکومەتی نوێدا نیە، چوار داواکاریشی کردە مەرجی پشتیوانیکردنی حکومەتەکەی کازمی کە بریتین لە گەڕانەوەی پێگە و دەسەڵاتی حکومەت، ئەنجامدانی هەڵبژاردنێکی پێشوەخت و پاک و بێگەرد، چارەسەرکردنی کێشەی ئابوری و پێشێلکارییە ئەمنییەکان.

هاوپەیمانێتییەکەمان هیچ وەزیرێکی لە حکومەتی نوێدا نیە


مالیکی ئاماژەی بەوەکردوە لەپێناوی ئەو چوار ئامانجە سەرەکییە پشتیوانی حکومەتی نوێدەکات.

مالیکی راشیگەیاند هاوپەیمانی دەوڵەتی یاسا و حزبی دەعوەش تێبینییان لەسەر چۆنیەتی کاندیدکردنی وەزیرەکان هەبوە و پێیانوابوە کە پێویستە بۆچونی هێزە سیاسییەکان و مەرجەعیەتی دینی لەبەرچاوبگیرێت.







خەندان-