ئێواره‌ی رۆژی 4-2 سه‌رۆك مام جه‌لال له‌ به‌غدا پێشوازیكرد له‌ د. ئیبراهیم جه‌عفه‌ری سه‌رۆكی هاوپه‌یمانی نیشتمانی عیراق له‌ ئه‌نجومه‌نی نوێنه‌ران، له‌ دیدارێكدا بارودۆخی وڵات تاوتوێكرا له‌به‌ر رۆشنایی گۆڕانكاری و پێشهاته‌ سیاسی و ئه‌منییه‌كان.
له‌ دیداره‌كه‌دا بیروڕا و تێڕوانینه‌كانی سه‌رۆك تاڵه‌بانی و د. جه‌عفه‌ری چوون یه‌ك بوون ده‌رباره‌ی پێویستی سه‌رخستنی ئه‌و هه‌وڵانه‌ی كه‌ ده‌درێن بۆ هه‌نگاونان به‌ره‌و قۆناغێكی نوێی لێكتێگه‌یشتن و پیشكه‌وتنی هێزه‌ سیاسییه‌كان و هێنانه‌ كایه‌ی ئارامی و وه‌زرێكی نوێی ئۆقره‌یی سیاسی.