پارێزگاری نه‌ینه‌وا رایگه‌یاند، ئێمه‌ متمانه‌مان به‌هۆشیاریی سه‌ركردایه‌تی كورد هه‌یه‌ كه‌ كه‌یسی تاریق هاشمی نه‌قۆزنه‌وه‌.

له‌لێدوانێكیدا بۆ رۆژنامه‌ی حه‌یاتی له‌نده‌نی ئه‌سیل نوجه‌یفی پارێزگاری نه‌ینه‌وا سه‌باره‌ت به‌ئیستغلالكردنی كه‌یسی تاریق هاشمی له‌به‌رامبه‌ر دۆسیه‌ی ناوچه‌جێ ناكۆكه‌كان ، رایگه‌یاند: ئێمه‌ متمانه‌مان به‌هۆشیاریی سه‌ركردایه‌تی كورد هه‌یه‌ كه‌ كه‌یسی تاریق هاشمی ئیستغلال نه‌كه‌ن و سازی له‌سه‌ر نه‌كرێت، چونكه‌ له‌وبڕوایه‌داین به‌گشتی بارودۆخی عیراق مه‌ترسیداره‌و برایانیش له‌سه‌ركردایه‌تی هه‌رێم هۆشیارن و درك به‌و مه‌ترسییه‌ ده‌كه‌ن كه‌ كاریگه‌ری له‌سه‌ر هه‌مووان ده‌بێت و هه‌ر لێكتێگه‌یشتن و دانوستانێكیش له‌نێوان هاوپه‌یمانی كوردستانی و لیستی عیراقییه‌دا رووبدات ئه‌وا ده‌بێت له‌به‌رژه‌وه‌ندی هێوركردنه‌وه‌ی بارودۆخی گشتیدا بێت، نه‌ك هۆكارێك بێت بۆ ئیستغلالكردنی بارودۆخه‌كه‌ .