تاریق هاشمی جێگری سه‌رۆك كۆماری عیراق رایگه‌یاند، كه‌ زنجیره‌ ته‌قینه‌وه‌كانی رۆژی پێنج شه‌ممه‌ی شاری به‌غدا لایه‌نی نێو حكومه‌تی عیراقی له‌پشتیه‌وه‌یه‌.
له‌لێدوانێكیدا بۆ تۆڕی هه‌واڵی BBC، سه‌رباری تۆمه‌تباركردنی لایه‌نی نێو حكومه‌تی عیراقی به‌تێوه‌گلانی له‌ ته‌قینه‌وه‌كانی شاری به‌غداوه‌ راشیگه‌یاند: ئه‌وه‌ی له‌مڕۆدا رووده‌دات كه‌موكووڕییه‌كانی حكومه‌تی عیراقی ده‌رده‌خات و ئاماژه‌یه‌كیشه‌ بۆ بێ توانایی به‌غدا له‌كۆنترۆڵكردنی دۆسیه‌ی ئه‌منیدا.
ئه‌و تۆمه‌تباركردنه‌ی هاشمی بۆ حكومه‌تی عیراقی له‌كاتێكدا خودی ئه‌و جێگره‌ی سه‌رۆك كۆماری عیراق و ژماره‌یه‌ك له‌پاسه‌وانه‌كانی به‌تێوه‌گلانیان له‌كاری تیرۆریستییه‌وه‌ تۆمه‌تباركراون.