په‌رله‌مانتارێكى لیستى هاوپه‌یمانى نیشتیمانى له‌ په‌رله‌مانى عێراق ئاشكرایی كرد كه‌ دواى جه‌ژنى ره‌مه‌زان كێشه‌ى پۆسته‌ ئه‌مینه‌كانى عێراق یه‌كلایی ده‌بێته‌وه‌.
ئه‌مرِۆ سێ شه‌ممه‌\"ئیبراهیم ره‌كابی\"" په‌رله‌مانتاری هاوپه‌یمانى نیشتیمانى عێراق، رایگه‌یاند: هه‌رچه‌نده‌ لیستى عێراق كاندیدى خۆی بۆ پۆستى وه‌زاره‌تى به‌رگرى عێراق دواخستوه‌ به‌ڵام دواى جه‌ژن ئه‌و كێشه‌یه‌ یه‌كلایی ده‌كرێته‌وه‌ و پۆسته‌ ئه‌منیه‌كانیش پرِ ده‌كرێنه‌وه‌.

ره‌كابی وتیشی: پێویسته‌ سه‌رجه‌م لایه‌نه‌ سیاسیه‌كانى عێراق رێكبكه‌ون و له‌یه‌كدى نزیك ببنه‌وه‌ بۆ یه‌كلایی كردنه‌وه‌ى ئه‌و پۆسته‌ ئه‌منیانه‌ و سه‌قامگیركردنى ئاسایش و ئارامى له‌ وڵاتدا.

شایانى باسه‌ دواى تێپه‌رِبونى كه‌متر له‌ ساڵێك به‌سه‌ر پێكهێنانى حكومه‌تى عێراق تائێستا پۆسته‌ ئه‌منیه‌كان به‌تایبه‌ت پۆستى هه‌ردو وه‌زاره‌تى به‌رگرى و ناوخۆى عێراق به‌هۆى ناكۆكى نێوان لایه‌نه‌ سیاسیه‌كان یه‌كلایی نه‌بۆته‌وه‌."