ئەمڕۆ دووشەممە لیژنەی هاوبەشی وەزاری عێراق – سووریا لە بەغدا لە ماوەی سێ رۆژدا چەند کۆبوونەوەیەک بەبەشداری شاندێکی سووری کە پێکهاتووە لە ژمارەیەک بەرپرسانی سووری و پیاوانی کار بەسەرۆکایەتی محەمەد نیزال شەعار وەزیری ئابووری و بازرگانی، ساز دەکات.
ئەنجومەنی لیژنەی عێراق – سووریا لە لێدوانێکی رۆژنامەنووسیدا رایانگەیاند، ئەمڕۆ لیژنەکە دەست بەکۆبوونەوەکانی دەکات کە سێ رۆژ بەردەوام دەبێ و شاندێکی سووری بەسەرۆکایەتی شەعار و 7 یاریدەری هەریەک لە وەزیرانی دارایی و نەوت و گواستنەوە و پیشەسازی و تەندروستی و ناوخۆ تێیدا بەشداری دەکەن\".

وتیشی: \""نزیکەی 136 پیاوی کار سەر بەهەموو کەرتە ئابوورییەکان لەگەڵ هاوشانە عێراقییەکانیان کۆ دەبنەوە\"".

پێشبینی دەکرێ لە کۆبوونەوەکاندا ژمارەیەک رێککەوتننامەی گرینگ لە سەرجەم بوارەکاندا ئیمزا بکرێ."