رِێكخراوى لێبوردنى نێوده‌وڵه‌تى داوا له‌ حكومه‌تى عێراق ده‌كات له‌سێداره‌كانى به‌رپرسانى پێشوى حیزبی به‌عس و سه‌رجه‌م ئه‌و كه‌سانه‌ى سزاى له‌سێداره‌دانیان بۆده‌رچوه‌ رِابگرێت.

ئه‌مرِۆ چوارشه‌ممه‌، رِێكخراوى لێبوردنى نێوده‌وڵه‌تى له‌به‌یاننمه‌یه‌كدا داوا له‌ حكومه‌تى عێراق كرد فه‌رمانى له‌سێداره‌دانى ئه‌و پێنج به‌رپرسه‌ى حیزبی به‌عس رِابگرێت كه‌ له‌نێوانیاندا دو زرِبراى سه‌دام حسێنى سه‌رۆكى پێشوترى عێراقی تێدایه‌.

له‌به‌یاننامه‌كه‌دا هاتوه‌: ده‌رچونى برِیارى له‌سێداره‌دان نایاساییه‌ چونكه‌ دادگاكانى عێراق به‌ سیاسی كراوه‌ و ئه‌م برِیارانه‌ش وه‌ك تۆڵه‌سه‌ندنه‌وه‌یه‌ك له‌دادگاكان ده‌رچون به‌رامبه‌ر به‌و كه‌سانه‌.

رِێكخراوى لێبوردنى نێوده‌وڵه‌تى ئاماژه‌ به‌وه‌ده‌كات ئه‌گه‌ر برِیاره‌كان به‌ده‌ستى \"نورى مالیكی\"" سه‌رۆك وه‌زیرانى عێراق بوایه‌ سه‌رجه‌م به‌رپرسانى حیزبی به‌عسی له‌سێداره‌ ده‌دا و نه‌یده‌خسته‌ سبه‌ینێ.

له‌كۆتاییدا رێكخراوى لێبوردنى نێوده‌وڵه‌تى نیگه‌رانى خۆیشی نیشاندا بۆ سه‌ربه‌خۆ نه‌بونى دادگاكانى عێراق.

سه‌رچاوه‌/ شه‌رقولئه‌وسه‌ت"