ئه‌ندامێكى لیژنه‌ى نه‌زاهه‌ى په‌رله‌مانى عێراق رایگه‌یاند هه‌ریه‌ك له‌ وه‌زاره‌ته‌كانى شاره‌وانى و ته‌ندروستى و به‌رگرى و كاره‌با و بازرگانى عێراق گه‌نده‌ڵترین وه‌زاره‌تن و ئاماژه‌شی به‌وه‌دا كه‌ فشارێكى زۆریان ده‌خرێته‌ سه‌ر بۆ رِێگرى كردن له‌ لێپێچینه‌وه‌ له‌و به‌رپرسانه‌ى تۆمه‌تبارن به‌ گه‌نده‌ڵى.

ئه‌مرِۆ سێ شه‌ممه‌، \"خالید عه‌لوانى\"" ئه‌ندامێكى لیژنه‌ى نه‌زاهه‌ى په‌رله‌مانى عێراق رِایگه‌یاند: هه‌ریه‌ك له‌ وه‌زاره‌ته‌كانى شاره‌وانى و ته‌ندروستى و به‌رگرى و كاره‌با و بازرگانى عێراق گه‌نده‌ڵترین وه‌زاره‌ته‌كانى عێراقن و زۆرترین گه‌نده‌ڵیان تێدایه‌.
عه‌لوانى وتیشی: سه‌رجه‌م ئه‌و به‌رپرسانه‌ى تێوه‌گلاون به‌گه‌نده‌ڵى دادگایی ده‌كرێن و لێپێچینه‌وه‌ى یاسایدا له‌گه‌ڵدا بكرێت.

ئه‌ندامێكى لیژنه‌ى نه‌زاهه‌ى په‌رله‌مانى عێراق وتیشی: له‌لایه‌ن سه‌رۆك وه‌زیرى عێراقه‌وه‌ رِێگرى ده‌كرێت و فشار ده‌خرێته‌ سه‌ر لیژنه‌ى نه‌زاهه‌ بۆ ئه‌وه‌ى لێپێچینه‌وه‌یان له‌گه‌ڵدا نه‌كرێ.


سه‌رچاوه‌/ ئه‌سوات عێراق"