ئه‌ندامێكى لیستى عێراقیه‌ رِایگه‌یاند ئه‌گه‌ر كۆبونه‌وه‌ى نێوان لایه‌نه‌كان ئه‌نجامى نه‌بێت داواى هه‌ڵبژاردنى پێشوه‌خته‌ ده‌كه‌ن، و سه‌ركه‌وتنى دانیشتنه‌كانیشى به‌ ئه‌سته‌م ناوبرد.

\"عه‌دنان ده‌نبوس\"" ئه‌ندامى لیستى عێراقیه‌ له‌ لێدوانێكیدا رِایگه‌یاند: دانیشتنى ئه‌مجاره‌ى نێوان لایه‌نه‌ سیاسیه‌كان ئاماژه‌یه‌كه‌ بۆ درێژه‌دان به‌ حكومه‌تى ئێستاى عێراق یان هه‌ڵوه‌شاندنه‌وه‌ى.

ئه‌و ئه‌ندامه‌ى لیستى عێراقیه‌ ئاماژه‌ى به‌وه‌دا ئه‌گه‌ر كۆبونه‌وه‌كان شكستبهێنێت و ئه‌نجامیان نه‌بێت ئه‌وا لیستى عێراقیه‌ داواى ئه‌نجامدانى هه‌ڵبژاردنى پێشوه‌خته‌ ده‌كات بۆ چاره‌سه‌ركردنى كێشه‌كان.

وتیشی: ئه‌سته‌مه‌ كۆبونه‌وه‌كان ئه‌نجامى باشى هه‌بێت چونكه‌ لیستى ده‌وڵه‌تى یاسا ئاماده‌نییه‌ مافی لایه‌نه‌كانى تر بدات.

شایانى باسه‌ له‌چه‌ند رِۆژى رِابردودا كۆبونه‌وه‌ى دوه‌مى لایه‌نه‌ سیاسیه‌كانى عێراق له‌ماڵى سه‌رۆك كۆمارى عێراق ئه‌نجامدرا و برِیاردرا به‌ پێكهێنانى لیژنه‌یه‌ك بۆ جێبه‌جێ كردنى رِێككه‌وتنامه‌ى هه‌ولێری نێوان لایه‌نه‌ سیاسیه‌كانى عێراق.

سه‌رچاوه‌/ سۆمه‌ریه‌ نیوز"