زیره‌ک عه‌بدولڕه‌حمان-سلێمانی/ئه‌ندامێکی ئه‌نجومه‌نی نوێنه‌رانی عێراق له‌سه‌ر لیستی فڕاکسیۆنه‌کوردستانیه‌کان ده‌ڵێت که‌تائیستا پرسی وه‌زاره‌ته‌ ئه‌منیه‌کان به‌هه‌ڵواسراوی ماوه‌ته‌وه‌ دوابه‌دوای دوو هه‌فته‌ی دیکه‌ش کۆبونه‌وه‌کانی ئه‌نجونه‌ی نوێنه‌ران ده‌ست پێده‌کاته‌وه‌ له‌ناو کۆبونه‌وه‌کانیشدا قسه‌ له‌سه‌ر یه‌کلایکردنی پۆسته‌ ئه‌منیه‌کانی حکومه‌تی عێراق ده‌کرێت وهه‌وڵده‌درێت لایه‌نه‌کان بگه‌نه‌ ڕێکه‌وتنێك به‌مه‌به‌ستی ده‌ستنیشانکردنی که‌سانی شیاو بۆ ئه‌و پۆستانه‌.


ئه‌ندامی ئه‌نجومه‌نی نوێنه‌رانی عێراق له‌سه‌ر لیستی فڕاکسیۆنه‌ کوردستانیه‌کان\"لانه‌ محه‌مه‌د حافز\"" له‌لێدوانێکی تایبه‌ت بۆئاژانسی په‌یامنێر وتی:ده‌بوایه‌ زۆر زووتر ئه‌م پۆستانه‌ یه‌کلای بکرایه‌وه‌ به‌لام به‌هۆی ئه‌وه‌ی لایه‌نه‌ سیاسیه‌کان نه‌گه‌یشتونه‌ته‌ ڕێکه‌وتنێک بۆ یه‌کلایکردنه‌وه‌ی ئه‌و پۆستانه‌ هه‌ر بۆیه‌ تاکو ئیستاش ئه‌و پۆستانه‌ یه‌کلای نه‌بۆته‌وه‌.


وتیشی:تائێستا چه‌ند جارێک کاندید پێشکه‌شی ئه‌نجومه‌نی نوێنه‌رانی عێراق کراوه‌ به‌ڵام به‌هۆی ڕێکنه‌که‌وتنی لایه‌نه‌کان نه‌توانراوه‌ ده‌نگ له‌سه‌ر کاندیده‌کان بدرێت.


ئاماژه‌ی بۆئه‌وه‌ش کرد: دوا ی دووهه‌فته‌ی دیکه‌ کۆبونه‌وه‌کانی په‌رله‌مانی عێراق ده‌ست پێده‌کاته‌وه‌ ئه‌وکاتیش به‌مه‌به‌ستی یه‌کلایکردنه‌وه‌ی پۆسته‌ ئه‌منیه‌کان کۆبونه‌وه‌ ده‌که‌ین بۆئه‌وه‌ی کاندید بۆ ئه‌و پۆستانه‌ دیاریبکرێت."