هانز یواكیم فاتزكه‌ به‌رێوبه‌رى جێ به‌جێكردنى یانه‌ى بروسیا دۆرتمۆندى ئه‌ڵمانى ئاشكراى ده‌كات كە برى (100) ملیۆن یۆرۆ به‌س نیه‌ بۆئه‌وه‌ى ده‌ست به‌ردار تواناكانى یاریزانى فه‌ره‌نسى عوسمان دیمبلى بین.

فاتزكه‌ له‌ لێدوانێكیدا كه‌ رۆژنامه‌ى مۆندۆ دیبه‌رتیڤۆى كه‌تالۆنى ئاشكراى كردووه‌ ده‌ڵێت: بۆده‌ست به‌ردار بوون له‌ تواناكانى دیمبلى (100) ملیۆن یۆرۆ به‌س نیه‌.

به‌رێوبه‌ره‌كه‌ى دۆرتمۆند زیاتر ده‌ڵێت: له‌ یادمه‌ كیفن دى برۆین وه‌ك گرانترین یاریزانى خولى ئه‌ڵمانیا په‌یوه‌ندى كرد به‌یانه‌ى مانچسته‌ر ستی، به‌ڵام له‌م چه‌ند ساڵه‌ى گواتسنه‌وه‌ى یاریزانان به‌م شێوه‌ نه‌بوه‌.

جێگه‌ى ئاماژه‌یه‌ دیمبلى له‌لایه‌ن یانه‌ى بارسێلۆنا گرنگى پێ ده‌درێت وه‌ك شوێن گره‌وه‌ى یاریزانى به‌رازیلى نیمار داسێلفا له‌ چه‌ند رۆژى رابردوو په‌یوه‌ندى كرد به‌یانه‌ى پاریس سان جێرمان.

محمد سلێمان