مان یونایتد بە دوای یاریزانێکی کرواتییە
یانەی مان یونایتدی پاڵەوانی جامی یۆرۆپا لیک ئەوروپا بۆ وەرزی نوێ خولی نایابی یانەکانی ئینگلیزی ئیدارەی یانەکە و مۆرینھۆی ڕاھێنەری بەڕەگەز پورتوگالی و یانەی مان یونایتد لە ئێستادا پلانی تۆکمەی دارێشتووە بۆ ئەوەی چەندین ئەستێرەی یانەکانی ئەوروپا بھێنێتە ریزی یانەکەی و لە وەرزی نوێ خولی یانە پاڵەوانەکانی ئەوروپا بتوانێ یانەی شەیتانە سورەکان بگەرێنێتەوە نێو کێبرکییەکان، لە ئێستادا یانە ئینگلیزییەکە لە ھەوڵی ئەودایە ئەستێرەی یانەی ریال مەدریدی ئیسپانی و ھەڵبژاردەی کرواتیا ماتیۆ کۆڤاسیتچ بگوازێتەوە ریزی یانەکە لە ھاوینی ئەمساڵ ، ماتیۆ لە ٧٣ی یاری بەشداری کردنی لەگەڵ یانەی شاھانە تەنیا ٣ گۆڵی بۆ تیپەکەی تۆمارکردووە و خاوەن ئاستێکی بەرز بووە لە ھێلی ناوەڕاست ، میدیاکانی ووڵاتی بەریتانیا ئەوەیان ئاشکرا کردووە کەوا ئیدارەی یانەی مان یونایتدی ئینگلیزی بە شێوەیەکی فەرمی و بەھەموو ھێزی خۆی لە دوای ئەوەیە ئەم یاریزانە کرواتییە بە ھەر نرخێک بێت بگوازێتەوە ریزی یانەکەی بۆ ئەوەی ھێلی ناوەڕاستی تیپەکەی زیاتر بەرز بکاتەوە ، بەڵام تاکو ئێستا یانەی ریال مەدریدی ئیسپانی ھیچ شتێکی ئاشکرا نەکردووە لە بارەی چارەنووسی ئەم یاریزانە.
کارزان کانەبی