لە پاڵەوانێتی وێمبێڵدۆندا، لەسەر ئاستی خانمان، هەریەکە لە ڤینوس ویلیامز، سیمۆنا هالیپ و ئێلینا سڤیتۆلینا گەیشتنە قۆناخی دووەمی پاڵەوانێتییەکە.

لە یاری یەکەمدا ڤینۆس رووبەڕی ئالێس مێرتینسی بەلجیکی بووەوە و یارییەکەی بە ئەنجامی دوو کۆمەڵەی بێوەڵام لێردەوە، ئەنجامی کۆمەڵەکانیش حەوت شەش و شەش چوار بوون.

لە یاری دووەمیشدا سیمۆنا هالیپی رۆمانی بردنەوەی بەسەر مارینا ئیراکۆڤیچی نیوزلەندی بەدەستهێنا.

هالیپ لە یارییەکەدا هیچ زەحمەتییەکی نەبینی و یارییەکەی بە ئەنجامی دوو کۆمەڵەی بێبەرامبەر بردەوە، ئەنجامی کۆمەڵەکانیش شەش چوار و شەش یەک بوون.

لە یارییەکی دیکەشدا ئێلینا سڤیتۆلینای پۆلێنکراوی چوارەمی پاڵەوانێتییەکە، رووبەڕووی ئاشلی پارتی ئوسترالی بووەوە و یارییەکەی بە دوو کۆمەڵەی بێبەرامبەر بردەوە، ئەنجامی کۆمەڵەکانیش حەوت پێنج و حەوت شەش بوون.

محمد سلێمان