یواكیم لۆڤی ئەڵمانی و راهێنەری هەڵبژاردەی مانشافت رەتی دەكاتەوە سەركەوتنی هەڵبژاردەی ئەڵمانیای خوار تەمەن (21) ساڵان و هەڵبژاردەكەی لە جامی نەتەوەكانی ئەوروپا و جامی كیشوەرەكان رێخۆشكەربن بۆ بەدەستهێنانی جامی جیهانی (2018)ی رووسیا.

لۆڤ لە لێدوانێكیدا بۆ رۆژنامەنوسان گووتی: ماوەیەكی زۆر كارمان لەسەر بەدەستهێنانی نازناوەكان كردووە، بە پلانی تایبەتی خۆمان یاری دەكەین و گرنگی بە یاریزانی بە ئەزمون و لاو دەدەین.

دەشڵێت: لەسەرمان پێویستە كاری زیاتر بكەین، چونكە بەدەستهێنانی هەردوو نازناوی یۆرۆی لاوان و جامی كیشوەرەكان بۆ ئێمە بابەتێكی گرنگ نییە و نابێتە ئەگەری (100%) بۆ بەدەستهێنانی نازناوی جامی جیهانی (2018) كە لە روسیا ئەنجامدەدرێت.

لەكۆتاییدا، لۆڤ گووتی: جامی جیهانی زەحمەتترین نازناوە لەمێژوودا، پێویستیت بەوە هەیە بۆ ماوەی (5) هەفتە بەیەك توانا یاری بكەین و بە (7) یاری تا كۆتایی نەوەستیت و نازناوەكە ببەیتەوە.


محمد سلێمان