رۆژنامەی لۆباریزیانی فەرەنسی بڵاویکردووەتەوە یانەی لیڤەرپوڵ زۆر نزیکە لەوەی گرێبەست لەگەڵ بیێر ئیمیریک ئۆبامیانگی گابۆنی و هێرشبەری یانەی بروسیادۆرتمۆندی ئەڵمانیدا ئەنجام بدات.

بەپێی هەواڵی رۆژنامە فەرەنسیەکە یۆرگن کلۆبی راهێنەری یانەی لیڤەرپوڵ ئامادەیە بڕی 61 ملیۆن پاوەند لە پێناوی گواستنەوەی گۆڵکارەکەی وەرزی رابردووی خولی ئەڵمانیدا خەرج بکات و بەڵێی ئیدارەی یانەکەی وەرگرتووە.

بەپێی هەواڵەکەی لۆباریزیان گەربێت و ئەو گرێبەستە ئەنجام بدرێت ئەوا ئۆبامیانگ دەبێتە خاوەنی گرانترین گرێبەست لەمێژووی یانەی لیڤەرپوڵدا.

ئۆبامیانگ وەرزی رابردوو لەخولی ئەڵمانیادا 31 گۆڵی بۆ دۆرتمۆند تۆمارکردو بووە گۆڵکاری بۆندسلیگا.

محمد سلێمان