راپۆرته‌ رۆژنامه‌كان ئاشكرایان كردووه‌ بایره‌ن میونخ بیر له‌چونه‌ نێو ركابه‌رى كردنى یانه‌كان ده‌كاته‌وه‌ له‌ پێناو به‌ده‌ست هێنانى تواناكانى ئه‌ستێره‌ى پرتوگالى و یانه‌ى ریال مه‌دریدی ئیسپانی كریستیانۆ رۆناڵدۆ.

رۆژنامه‌ى بێلێدى ئه‌ڵمانیا راپۆرتێكى رۆژنامه‌ى لاگازێتا دیلۆ سپۆرتى ئیتاڵى بڵاو كردۆته‌وه‌ تیادا هاتووه‌ راهێنه‌رى بایره‌ن میونخ كارلۆ ئه‌نشلۆتى زۆر به‌هێزەوە ده‌یه‌وێت جارێكى تر به‌یەكه‌وه‌ له‌گه‌ڵ رۆناڵدۆ كار بكات، دواى ئه‌وه‌ى هه‌ردووكیان له‌ ریال مه‌درید به‌یه‌كه‌وه‌ كاریان كردبوو.

جێگه‌ى ئاماژه‌ بۆكردنه‌ یانه‌كانى مانچسته‌ر یونایتدى ئینگلیزى و پاریس سان جێرمانى فه‌ره‌نسى ركابه‌رى ده‌كه‌ن له‌پێناو به‌ده‌ست هێنانى یاریزانى پرتوگالى كریستیانۆ رۆناڵدۆ.


محمد سلێمان