كریستیانۆ رۆناڵدۆی پورتوگالی و ئەستێرەی هێڵی پێشەوەی یانەی ریال مەدرید مەرجی خۆی بۆ مانەوە لە تیپەكە بۆ چەند وەرزێكی دیكە ئاشكرا دەكات.

رۆژی پێنجشەممەی رابردوو لە هەواڵێكی چاوەرواننەكراودا رۆژنامەی ئەبۆلای پورتوگالی بێزاری رۆناڵدۆی لە سیستەمی باجدان لە ئیسپانیا ئاشكراكرد و ئەستێرەكەش دەیەوێت ریزی ریال مەدرید بەجێبهێڵێت.

رۆژنامەی میرەری بەریتانی بڵاوی كردەوە، رۆناڵدۆ مەرجی خۆی هەیە بۆ ئەوەی تا ساڵی (2022) لە یانەی ریال مەدرید بمێنێتەوە.

ئەو سەرچاوەیە دەڵێت: رۆناڵدۆ لە كۆبوونەوەكەی رۆژی (2)ی مانگی داهاتوو كە لەگەڵ سەرۆكی یانەی ریال مەدرید سازی دەكات داوای پێدانی بڕی باجە كەڵەكەبووەكە دەكات و جگە لەمەش تێكرای باجەكانی داهاتووش دەخاتە سەر شانی تیپەكە.

میرەر ئەوەیشی نوسیوە: رۆناڵدۆ ویستوویەتی پاڵەپەستۆ بخاتە سەر كارگێری ریال مەدرید و هەواڵی رۆیشتنی بكاتە كارتێكی گرنگ تا مووچەكەی زیاتر بكرێت و باجەكانی خۆی بخاتە سەر شانی تیپەكە.

محمد سلێمان