بەڕێوەبەری كارە وەرزشییەكانی ئەستێرەكانی پێشووی تۆپی پێی جیهان لە رۆژهەڵاتی ناوەڕاست، بۆ (رووداوی وەرزشی) باس لە هێنانی چەندین ئەستێرەی تۆپی پێی پێشوو بۆ كوردستان دەكات و دەڵێت: دەتوانم چەندین ئەستێرە بێنمە باشووری كوردستان، چ بەمەبەستی سەردان بێت یان بەمەبەستی یاری دۆستانە.

سەمیر شەمخە، گەورە سەرمایەداری لوبنانی و بریكاری یاریزانەكانی پێشووی جیهان، گوتی: ماوەیەكی زۆرە پەیوەندیم لەگەڵ ئەستێرەكان هەیەو پەیوەندیم لەگەڵیان وەك بریكاری كارێكی فەرمییە، لە ماوەی رابردووش كلاسیكۆی ئەستێرەكان لەنێوان بارسێلۆنا و ریال مەدرید بەڕێوەچوو لە بەیرووت، كە بوونی ئەو هەموو هاندەرەو سەركەوتنی كارەكە شایەتی كارێكی سەركەوتوو بوون.

محمد سلێمان