فرانچیسكۆ ئیسكۆی یاریزانی یانەی ریال مەدرید و ئەستێرەی هێڵی ناوەراستی هەڵبژاردەی ئیسپانیا دواین بریار لەبارەی داهاتووی خۆی دەدات.

رۆژنامەی ئاسی ئیسپانی لێدوانەكانی ئیسكۆی بڵاوكردۆتەوە كە لەدوای یاری ئیسپانیا و مەقدۆنیا قسەی بۆ رۆژنامەنوسان كردووە و لەبارەی داهاتووی خۆی ئاخاوتووە.

ئیسكۆ دەڵێت: لەراستیدا ئەمە باشترین ساتەكانی خۆمە لەگەڵ هەڵبژاردە و یانەكەم، من هەست بە دڵخۆشییەكی رەها دەكات.

ئەو وتیشی: من بەختێكی زۆرم هەیە كە یاریزانی یانەی ریال مەدریدی باشترین یانەی جیهانم، هەروەها لەگەڵا باشترین هەڵبژاردەی جیهان یاری دەكەم.

لەبارەی داهاتووی خۆی، ئیسكۆ وتی: من پێشتر وتوومە و ئێستاش دووپاتی دەكەمەوە، من یاریزانی ریال مەدریدم و هەر لەو یانەیە دەمێنمەوە.

محمد سلێمان