سەرچاوە رۆژنامەوانییەکان بەشێکی وردەکارییەکانی گرێبەستە نوێیەکەی لیۆنێل مێسی، ئەستێرەی هەڵبژاردەی ئەرجەنتینیان لەگەڵ یانەی بارسێلۆنا ئاشکراکردووە.

رۆژنامەی موندۆ دیپۆرتیڤۆ هەواڵێکی رادیۆی کادینا سێری بڵاوکردووەتەوە و رایگەیاندووە، بەرپرسانی بارسێلۆنا نرخی هەڵوەشاندنەوەی گرێبەستی مێسیان لە 250 ملیۆن یۆرۆ بۆ 400 ملیۆن یۆرۆ بەرزکردووەتە.

رۆژنامەکە ئاشکرایکردووە، هەموو شتێک بۆ نوێکردنەوەی گرێبەستی یاریزانەکە کۆتاییهاتووە، تەنیا ماوە بەفەرمی رابگەیێنرێت و دوای چەند مانگێکی دوور و درێژ هەردوو لا گەیشتوونەتە رێککەوتن.

محمد سلێمان