به‌ڕێوه‌به‌ری كاره‌كانی پاولۆ دیبالای ئه‌ستێره‌ی لاوی یوڤێنتوس، وه‌ڵامی ئه‌و هه‌واڵانه‌ی دایه‌وه‌، كه‌ باس له‌ بایه‌خدانی مانچێسته‌ر یونایتد به‌ گرێبه‌ستكردن له‌گه‌ڵ دیبالا، ده‌كه‌ن.

سه‌رچاوه‌ رۆژنامه‌وانییه‌كان له‌ كاژێره‌كانی رابردوودا باسیان له‌وه‌كرد، خۆزێ مۆرینیۆ پاولۆ دیبالای كردووه‌ته‌ ئامانجی خۆی بۆ ئه‌وه‌ی بیباته‌ تیپه‌كه‌یه‌وه‌، بۆ قه‌ره‌بووكردنه‌وه‌ی شوێنی وه‌ین روونیی كاپتنی تیپه‌كه‌ی، كه‌ ئه‌مه‌ی دوایی پێناچێت وه‌رزی داهاتوو له‌ ریزی رێد دێڤلزدا به‌رده‌وام بێت.

به‌ڵام رۆژنامه‌ی میترۆ لێدوانی پێر پاولۆ تریۆلزیی به‌ڕێوه‌به‌ری كاره‌كانی دیبالای گواسته‌وه‌، كه‌ ده‌ڵێت: دیبالا مانگی رابردوو گرێبه‌ستێكی نوێی له‌گه‌ڵ یوڤیدا واژۆكرد، ئه‌و له‌ تۆرینۆ
دڵخۆشه‌.

محمد سلێمان