تۆڕی هه‌واڵی دۆن باڵۆنی ئیسپانی رایگه‌یاند لیۆنێل مێسی ئه‌ستێره‌ی ئه‌رجه‌نتینی، راشكاوانه‌ داواكاری خۆی به‌ ئیرنێستۆ ڤالڤێردی راهێنه‌ری نوێی یانه‌ی بارسێلۆنا راگه‌یاندووه‌و ئه‌و یاریزانانه‌ی ده‌ستنیشانكردووه‌ كه‌ حه‌زده‌كات یانه‌ی كه‌تالۆنی گرێبه‌ستیان له‌گه‌ڵدا بكات.

به‌پێی ئه‌و سه‌رچاوه‌یه‌، مێسی پێیوایه‌ پێكهاته‌ی ئێستای بارسا پێویستی به‌ 3 یاریزان هه‌یه‌ بۆ ئه‌وه‌ی ببێته‌ پێكهاته‌یه‌كی نموونه‌یی و بۆ وه‌رزی داهاتوو بتوانێت ململانێ له‌سه‌ر هه‌موو نازناوه‌كان بكات.

دۆن باڵۆن، له‌و باره‌وه‌ ده‌ڵێت: مێسی به‌ ڤالڤێردی گوتووه‌ پێویسته‌ هه‌وڵ بدرێت گرێبه‌ست له‌گه‌ڵ هه‌ریه‌ك له‌ ریاز مه‌حرزی یاریزانی یانه‌ی لیسته‌ر ستی ئینگلیزی و فلیپی كۆتینیۆی یاریزانی به‌رازیلی یانه‌ی لیڤه‌رپوولی ئینگلیزی و ماركۆ ڤیراتی یاریزانی ئیتاڵی یانه‌ی پاریس سانجێرمان بكه‌ی.

محمد سلێمان