وابریارە ئەمرۆ لە یارى دۆستانەى هەڵبژاردەکاندا، ئەمشەو ئیتاڵیا و ئۆرۆگوای رووبەڕووى یەکدەبنەوە و ئیسپانیاش میواندارى کۆڵۆمبیا دەکات.

لە درێژەى ئامادەکاریەکان و یارییە دۆستانەکانى هەڵبژاردەکانى جیهان، ئەمشەو کاتژمێر: 9:45 خولەک و لە شارى نیسى فەڕەنسا، هەردوو هەڵبژاردەى ئیتاڵیا و ئۆرۆگواى رووبەڕووى یەکدەبنەوە.

ئەم یارییە لە چوارچێوەى ئامادەکاریەکانى ئیتاڵیایە بۆ پاڵاوتنەکانى مۆندیالى ٢٠١٨ى روسیا، کە بڕیارە لە ١١ى ئەم مانگەدا میواندارى لیشتنشتاین بکات.

لە یارییەکى دۆستانەى تردا و کاتژمێر: 10:30 خولەکی شەو، هەڵبژاردەى ئیسپانیا لە خاکى خۆیدا، میواندارى هەڵبژاردەى کۆڵۆمبیا دەکات.

ئەم یارییەش ئامادەکارى هەڵبژاردەى ماتادۆرەکان دەبێت بۆ رووبەڕووبونەوەى مەقدۆنیا لە پاڵاوتنى نەتەوەکانى ئەوروپا بۆ گەشتن بە مۆندیال و بڕیاریشە یارییەکە لە ١١ ئەم مانگەدا لە شارى مۆرسیاى ئیسپانیا بەڕێوەبچێت.

محمد سلێمان