ماڵپەرێكی ئیتاڵی بڵاوی كردەوە، یانەی یوڤینتۆس سەركەوتووبوو لە دۆزینەوەی شوێنگرەوەی جانلویجی بۆفۆنی گۆڵپارێزی ئێستای تیپەكە.

ماڵپەری (فوتبۆڵ ئیتاڵیا) بڵاوی كردەوە، یانەی یوڤینتۆس دەیەوێت بۆندێك لەگەڵ (چیزینی)ی پۆڵەندی واژۆ بكات و وەك شوێنگرەوەی بۆفۆن دەستبەكاری بكات.

ئەو ماڵپەرە دەڵێت: یانەی ئەرسناڵ رازی بووە بە بڕی (14) ملیۆن یۆرۆ دەستبەرداری چیزینی بێت بۆ یانەی یوڤینتۆس هەروەها بڕی (1) ملیۆن یۆرۆ بدرێتە یانەی گانارز وەك زیادە و دەستكەوتی یاریزانەكە.

چیزینی بۆندەكەی لەگەڵ یانەی یوڤینتۆس بۆ ماوەی (4) ساڵ دەبێت و مووچەی ساڵانەكەی دەگاتە (4) ملیۆن یۆرۆ، ساڵی كۆتاییش (4.5) ملیۆن یۆرۆ وەردەگرێت.



محمد سلێمان