دوێنێ شەو لە کۆنفرانسێکی رۆژنامەوانیدا پیپی بەرگریکارە پورتوگالیەکەی یانەی ریاڵ مەدرید بە شێوەیەکی رەسمی ماڵئاوایی کرد و کۆتایی بە مێژوی ١٠ ساڵ یاری کردنی لەگەڵ ریاڵ مەدريد ھێنا و بەم شیوەیەش وەڵامی پرسیارەکانی دایەوە.

پیپی : وابزانم ئەرکی من لێرەوە کۆتایی ھات و چیتر لەگەڵ ریاڵ نابم و ئەو ١٠ ساڵ سەروەریەم لێرە کۆتایی پێدێت.

پیپی : بەڵی چەندین شێوەی گفتوگۆ بۆ نوێ کردنەوەی بۆندەکەمان قسەمان لەسەر کرد بەڵام لە کۆتاییدا نەگەشتینە رێککەوتن.

پیپی : من زۆر خۆشخاڵم بەوەی ئەوەی لە توانانمدا بو بەم یانەیەم بەخشی ھیچ کەسیش ناتوانێت ئەو ھەمو سەروەرییە لە بیر بکات.

پیپی: بۆندی زۆرم لەبەردەمدایە بەڵام تا ئێستا ھیچ یانەیەکم ھەڵنەبژاردووە ، پاریس و میلان و لە ئینگلتەراش بۆندم ھەیە.

پیپی: ھەمو کەل و پەلەکانم بردۆتەوە پورتوگال تەنھا ئەوە ماوە بچمە ھەر خولێک ماڵێکم پێویستە.

پیپی: ھەمیشە بەو پەری توندیەوە بەرگریم لەم یانەیە کردووە و ویستومە ئەم درێس و لۆگۆیە بپارێزم.

پیپی: بەڵی روداوی کاسکیرۆ یاریزانەکەی خیتافی ئەوە زۆر کاری کردە سەر ژیانی یاری کردم، کارێکی زۆر خراپ بو کە لەو کاتەدا کردم.

پیپی: من ھیچ کێشەیەکم لەگەڵ پێرێز یان لەگەڵ ھیچ کەسێکی تر نییە لەم یانەیە پێرێز ئەوەی لەسەری بو کردی.

پیپی: من راستگۆیی بینیتێزم زۆر بەدڵ بوو ئەو زۆر راستگۆ بوو ئەوەی لەدڵی بوایە پێی دەوتم.

پیپی: زێدان کاری زۆر گەورەی کرد بەڵام تا ئێستا کۆمەڵێک کاری ھەیە کە من لێی تێناگەم بۆچی بەو شیوەیە بوو.

پیپی: نا من بەھۆی زێدانەوە نارۆم.

پیپی: زێدان یان بینیتێز؟ ھەردوکیان جیاوازن بەڵام من زیاتر بینیتێزم بەدڵ بوو.

پیپی: ھەمو بەیانیەک کە لەخەو ھەڵدەستام شانازیم بەوەوە دەکرد کە من لە ریاڵ مەدرید یاری دەکەم بەڵام ھەمو شتێک لێرەوە کۆتایی ھات.

محمد سلێمان