دوای ئەوەی دوێنێ شەو بۆ جاری ١٢ ھەم لەمێژووی خۆی یانەی ریال مەدرید توانی نازناوی چامپیۆنزلیگ بەدەست بێنێت، گۆڤاری فرانس فۆتبۆل پێکھاتەی باشترین یاریزانەکانی ئەم وەرزەی چامپیۆنزلیگی دیاری کرد.

ئەوەی سەرنج راکێش بوو لیونێل میسی ئەستێرەی یانەی بەرشەلۆنە لە پێکھاتەی سەرەکی دانەبوو، بەڵکو لەنێو یاریزانە یەدەەگەکان بوو.

پێکھاتەکەش بەم شێوەیەی خوارەوە بوو.

گۆڵپارێز: بۆفۆن لە یانەی یۆڤانتۆس.

بەرگریكار: دانی ئالڤێس لە یانەی یۆڤانتۆس، رامۆس لە یانەی ریال مەدرید، بۆنۆتشی لە یانەی یۆڤانتۆس، مارسێلۆ لە یانەی ریال مەدرید.

ناوەڕاست: مۆدریچ لە یانەی ریال مەدرید، لیمار لە یانەی مۆناکۆ، فابیانۆ لە یانەی مۆناکۆ.

ھێرشبەر: کرستیانۆ رۆنالدۆ لە یانەی ریال مەدرید، دیبالا لە یانەی یۆڤانتۆس، نەیمار لە یانەی بارسێلۆنا.

ھەروەھا زەینەدین زێدان بەباشترین راھێنەری ئەم وەرزەی چامپیۆنزلیگ دیاری کرا.

محمد سلێمان