یانەی مانچستەر یونایتدی ئینگلیزی بە راھێنەرایەتی خۆسێ مۆرینهۆ دوای بە دەستهێنانی نازناوی یۆرۆپا لیگ و بەو ھۆیەشەوە بۆ وەرزی داھاتوو لە چامپیۆنس لیگ بەشداری دەکات بۆیە مۆرینیۆ دەیەوێت بە بەھێزیەکی زۆرەوە وەرزی داھاتو دەست پێبکات و ھەوڵەکانی بۆ کرینی چەندین یاریزان دەست پێکردووە.

مۆرینهۆ یەکێک لەو یاریزانانەی كە كردوویەتی بە ئامانج و دەیەوێ بیگوازێتەوە بۆ پێكهاتەكەی گاریس بەیڵی وێڵزی و یاریزانی یانەی ریاڵ مەدریدە، یانەی مانچستەر یونایتد پێی وایە ئەگەر زێدان لە یاری کۆتایی کاردیف کە شار و ووڵاتی گاریس بەیڵە یاری بەو یاریزانە نەکات و ناوی لە پێکھاتەی سەرەکی تیپەکەدا نەبێت ئەوا بێ شک دەتوانێت ئەو یاریزانە بگوازێتەوە چونکە بەیڵ ھەمو ھیوا و ئامانجی ئەوەیە لە ووڵاتەکەی خۆی بەشداری ئەو یاریە بکات.

بەڵام لە لایەكی دیكەوە بە پێی خواستی ھاندەران و میدیاکانی مەدرید ھەموان ئیسکۆ بە باشتر دەزانن و بە یاریزانی سەرەکی دیاری دەکەن بۆیە ئەگەر زیدان بەیڵ لەسەر کورسی یەدەک دابنێت ئەوا ئەو یاریزانەی لەدەست دەردەچێت ئەگەر بە سەرەکیش یاری پێبکات ئەوا روبەروی رەخنەی زۆر توندی ھاندەران و میدیاکان دەبێتە بە تایبەت ئەگەر تیپەکەی بەرامبەر بە یۆڤانتۆس سەرکەوتن تۆمار نەکات و گاریس بەیڵ خۆشی ماوەی چەند رۆژێکە شەو و رۆژی خۆستۆتە سەر یەک تا بۆ یاری کۆتایی ئامادەبێت.

محمد سلێمان