ئەندرێس ئینێستای ئیسپانی و ناوەراستكار و ئەستێرەی یانەی بەرشلۆنە ئەوە ئاشكرا دەكات و دانی پێ دادەنێت كە بۆچی تیپەكەی لەم وەرزەدا ئاستێكی خراپی پێشكەش كرد بۆیە تەنها یەك نازناویان بەدەستهێنا.

ئینێستا لەدوای بردنەوەیان لە یانەی ئالاڤێس و بەدەستهێنانی نازناوی جامی شای ئیسپانیا بۆ ساڵی سێیەم لەسەر یەكتر گووتی: كاتێك ئەو نازناوانە بەدەست ناهێنیت كە پێشتر بەدەستت هێناوە ئەمەت بۆ دەردەكەوێت كە وەرزێكی باشت بەرێ نەكردووە.

ئەو وتیشی: لەسەرمان پێویستە یاری باش بكەین بۆ ئەوەی نازناو بەدەستبهێنین، لە وەرزی داهاتوو ئەو هەڵانە دووبارە نەكەینەوە كە لەم وەرزە ئەنجامماندا.

ئینێستا لەبارەی ماڵئاوایی كردنی ئەنریكی وتی: لەكاتێكی زۆر هەستیار پەیوەندی بە تیپەكەمان كرد لەكۆی (13) نازناو (9) نازناوی بۆ تیپەكەمان دەستەبەر كرد، پێم وایە ئەم راهێنەرە جێگای شانازی بوو بۆ ئێمە.

محمد سلێمان