یانەی ڤالێنسیای ئیسپانی مارسیلینۆ گارسیا توراڵی راهێنەری نوێی یانەكەی بەمیدیاكان ناساند.

لەكۆنگرەیەكی رۆژنامەوانیدا و لەبارەگای یانەی ڤالێنسیا، ئیدارەی یانە ئیسپانیەكە مارسیلینۆی راهێنەری نوێیان بەمیدیاكان ناساند و راهێنەری ناوبراویش لێدوانی بۆ رۆژنامەنوساندا.

لەدەسپێكی وتەكانیدا مارسیلینۆ رایگەیاند ئەو بەجدی كاردەكات و زۆرجاریش زیاد لەپێویست لەسەر ئەو بابەتە رۆدەچێت، هەموو كات دەیەوێت یاریزانەكان پەیوەست بن و رۆحیەتی سەركەوتن لەناخیاندا بچەسپێنن.

وتیشی لەئێستاوە دەمەوێت هەر یاریزانێك درێسی ڤالێنسیا دەپۆشێت پێویستە خواستی بردنەوەو سەركەوتن و دەستەبەركردنی نازناو تاكە ئامانجی بێت و جگە لەوە بیر لەكارو ئەنجامی تر نەكاتەوە.

راهێنەرە نوێكەی شەمشەمەكوێرەكان وتیشی ئەگەر یاریزانەكان بەو جۆرە بیر نەكەنەوە بەدەستهێنان سەركەوتن قورسە، هەربۆیە دەستبەرداری ئەو بیرۆكانە نابین و پێویستە بەرگری لەدرێسی ڤالێنسیا بكەین.

مارسیلینۆ كە گرێبەستەكەی بۆ ماوەی دوو وەرزە لەكۆتاییشدا سوپاسی فۆرۆی راهێنەری پێشووی كرد و راشیگەیاند كەسێكی دڵسۆزە بۆ یانەی ڤالێنسیا.

محمد سلێمان