انەی ریاڵ مەدریدی ئیسپانی دوای دەستەبەركردنی نازناوی لالیگا بڕیاریدا خەڵاتی سێرجیۆ رامۆس بكات.

رۆژنامەی ماركای ئیسپانی بڵاویكردووەتەوە بەهۆی ئاستەبەرزەكەی و ئەو رۆڵە باڵایەی لەگەڵ یانەكەیدا دەیگێڕێت ئیدارەی مێرەنگی بڕیاریداوە خەڵاتی رامۆس بكات و گرێبەستەكەی تا ساڵی 2021 نوێبكاتەوە.

ماركا بڵاویشیكردووەتەوە رامۆسی كاپتن باشترین بەستەرە لەنێوان ئیدارەی یانەكەی و ژوری جل گۆڕینی یاریزانەكاندا ئەوەش هۆكارێكی ترە لەنوێكردنەوەی گرێبەستەكەیدا.

لەكۆتایی هەواڵەكەیدا رۆژنامە ئیسپانیەكە ئاشكرای كردووە رامۆس یەكێكە لەپایە گرنگەكانی ریاڵ مەدرید و یەكێكیشە لەهۆكارەكانی نزیكبوونەوەی ریاڵ مەدرید لەدەستەبەركردنی نازناوی چامپیۆنس لیگی ژمارە 12، لەكاتی دەستەبەركردنی ئەو نازناوەشدا ریاڵ مەدرید دوای 59 ساڵ جارێكی تر هەردوو نازناوی لالیگا و چامپیۆنس لیگ پێكەوە دەستەبەر دەكات.

محمد سلێمان