لە بارەی نوێكردنەوەی گرێبەستی لیونێل مێسی ئیدارەی یانەی بەرشلۆنە هەواڵێكی خۆش بۆ هاندەرانی تیپەكەی بڵاودەكاتەوە و نوێكردنەوەی بۆندی لیۆنێل مێسی ئەرجەنتین دووپات دەكاتەوە.

جۆردی میستری جێگری سەرۆكی یانەی بەرشلۆنە بۆ كاروباری وەرزشی لەبەردەم دەزگا راگەیاندنەكان دەردەكەوێت و باس لە نوێكردنەوەی بۆندی ئەستێرەكەی خۆی دەكات.

میستری لە لێدوانێكیدا بۆ كەناڵی (Esport3) وتی: دەتوانم بڵێم نوێكردنەوەی بۆندی میسی بە رێگایەكی راست و دروست دەروات و لەچەند رۆژی داهاتوو بەفەرمی دەگەینە رێككەوتن.

ئەو وتیشی: ئێمە بەفەرمی راهێنەری داهاتوومان دەستنیشانكردووە بەڵام لەحاڵی حازردا وەك رێزێك بۆ ئەنریكی راماننەگەیاندووە، هەربۆیە كاتی راگەیاندنی بۆندی میسیش بۆ كۆتایی وەرز دواكەوتووە.

محمد سلێمان