یەكێتی تۆپی پێی عێراق بەفەرمی بریاریدا دەست بە گفتوگۆ بكات لەگەڵ راهێنەری ئەرژەنتینی كالدیرۆن بەمەبەستی وەرگرتنی پۆستی راهێنەرایەتی هەڵبژاردەی عێراق بۆ تۆپی پێی.
دوای چوونە دەرەوەی هەڵبژاردەی عێراق لە ركابەرییەكانی جامی جیهانی 2018، یەكێتی تۆپی پێی عێراق بریاری دوورخستنەوەی رازی شنێشل-ی راهێنەری هەڵبژاردەكەی دا و بریاریدا راهێنەرێكی دەرەوەی عێراق بكاتە راهێنەری هەڵبژاردەكە، لێژنەی هەڵبژاردەكانی یەكێتی تۆپی پێی عێراق دوای سەیركردنی (c.v) ی 23 راهێنەر ناوی سێ راهێنەریان بۆ یەكێتی تۆپی پێی عێراق بەرزكردەوە، كە پێكهاتبوو لە (كالدیرۆن) ئەرژەنتینی و ( رود كرول) هۆلەندی و ( ڤینگادا) پورتوگالی.
یەكێتی تۆپی پێی عێراق لە كۆبوونەوەی خۆیدا بریاریدا گفتوگۆ لەگەڵ كالدیرۆن دەست پێ بكات دوای ئەوەی بەرێوەبەری كارەكانی راهێنەری ناوبراو خۆشحاڵی كالدیرۆنی دەربری لە وەرگرتنی پۆستی راهێنەرایەتی هەڵبژاردەی عێراق و چاوەران دەكرێت لە ئایندێكی نزیكدا هەردوو لا كۆبوونەوەیەك ئەنجام بدەن بەمەبەستی رێكەوتن لەسەر خاڵەكانی گرێبەست.
كالدیرۆن لە دایكبووی ساڵی (1960)ە و راهێنەری یانەكانی (كیان)ی فەرەنسی و (لاوسن) سویسری و اهێنەری هەڵبژاردەی سعودیە بوو توانی هەڵبژاردەكە بباتە جامی (2006) بەبێ هیچ دۆرانێك و راهێنەری هەڵبژاردەی شانشینی عوممان بوو لە ساڵی 2007 و لە ساڵی 2008 راهێنەری یانەی ئیتحاد سعودی بوو و توانی ببێتە پاڵەوانی خولی سعودیە و بووە راهێنەری یانەی هیلال سعودی توانی ببێتە پاڵەوانی خولی سعودیە و جامی وەلی عهدی سعودی و راهێنەری هەڵبژاردەی بەحرێن بوو توانی بگاتە چوار گۆشەی زێرینی جامی كەنداو.
رێبین رەمزی