ئه‌لیساندرۆ فلۆرێنزى یاریزانى به‌رگرى رۆماى ئیتاڵى به‌راورد له‌ نێوان هه‌ردوو یاریزان ئه‌ستێره‌ى ئه‌رجه‌نتینى، لیۆنێل میسى له‌یانه‌ى به‌رشلۆنه‌، باولۆ دیبالا له‌ یانه‌ى یۆفانتۆس ده‌كات.

فلۆرینزى له‌ لێدوانێكیدا كه‌ رۆژنامه‌ى مۆندۆ دیبه‌رتیڤۆى كه‌تالۆنى بڵاوى كردۆته‌وه‌ ده‌ڵێت: دیبالا ئاستێكى به‌رز پێشكه‌ش ده‌كات له‌گه‌ڵ یۆفانتۆس،به‌ڵام كاتێك به‌راورد له‌نێوان ئه‌م یاریزانه‌و میسى ده‌كه‌یت به‌دڵنیایه‌وه‌ ئه‌وه‌ى دوایى باشتره‌.

به‌رگریكاره‌كه‌ى رۆما زیاتر ده‌ڵێت: میسى نمونه‌ى به‌رزى من نیه‌، به‌ڵكو یاریزانێكى تر نمونه‌ى به‌رزى منه‌ ئه‌ویش سیسك فابریگاسى چێلسى و هه‌لبژارده‌ى ئیسپانیا.

فلۆرینزى له‌ كۆتایى قسه‌كانى ده‌ڵێت: كاتێك له‌یاریه‌كانى جامى نه‌ته‌وه‌كانى ئه‌وروپا روبه‌روى فابریگاس بومه‌وه‌ داواى درێسه‌كه‌م لێ كرد و پێم راگه‌یاندم تۆ یاریزانێكى به‌توانایى، ئه‌و كات سه‌رسام بووم چونكه‌ سێ ساڵ جیاوازى ته‌مه‌نمان بوو.

محمد سلێمان