ماوریسیۆ پۆچیتینیۆ ئەرجەنتینی و ڕاهێنەری یانەی تۆتینهامی ئینگلیزی دوپاتی کردەوە کە لە ئیسپانیا هاندەری یانەی ئیسپانیۆڵە و هەرگیز نابمە ڕاهێنەری یانەی بەرشلۆنە.

لە ڕابردوودا ڕۆژنامەکانی ئینگلتەرا و ئیسپانیا ئاشکرایانکردبوو کە پۆچیتینیۆ لە شوێنی لویس ئێنریکی لە وەرزی داهاتوودا دەبێتە ڕاهێنەری یانەی بەرشلۆنە.

لەکۆنگرەیەکی ڕۆژنامەوانیدا تایبەت بە یارییەکەی بێرنلی، پۆچیتینیۆ گووتی: لە وەرزی داهاتودوودا نابمە ڕاهێنەری بەرشلۆنە.

گوتیشی: من لە ئیسپانیا هاندەری یانەی ئیسپانیۆڵم، ئەوەش بەسە بۆ ئەوەی نەبمە ڕاهێنەری بەرشلۆنە، ۆر ئەستەمیشە ببمە ڕاهێنەری یانەی ئارسیناڵ، لە یاریی تۆپی پێدا دەبێت بەوەفا بێت، چونکە من هاندەری ئیسپانیۆڵ و تۆتینهامم خۆشدەوێت.

یانەی ئیسپانیۆڵ رکابەری سەرسەختی یانەی بەرشلۆنەیە، چونکە هەردووکیان سەر بە کەتەلۆنیان و هەموو وەرزێک یارییەکی بەهێز لە نێوانیان بەڕێوەدەجێت.



محمد سلێمان