ماسیمیلیانۆ ئەلێگری ئیتاڵی و راهێنەری یانەی یوڤینتۆس داوا لە یاریزانان و هاندەران دەكات متمانەیان بە تیپەكەیان هەبێت كە دەبنە پاڵەوانی چامپیۆنس لیگ.

ئەلێگری لە لێدوانێكیدا پێش رووبەرووبوونەوەی یانەی پۆرتۆی پورتوگالی لەیارییەكانی گەڕانەوەی قۆناغی (16)ی یانە پاڵەوانەكانی ئەوروپا گووتی: پێویستە متمانەمان بەخۆمان هەبێت كە تیپەكەمان لەتوانایدا هەیە ببێتە پاڵەوانی یانە پاڵەوانەكانی ئەوروپا.

ئەو راهێنەرە ئیتاڵییەكە كە تیپەكەی لەیاری ئەمرۆ بەرامبەر پۆرتۆ بەهەر ئەنجامێكی بردنەوە و یەكسانبوون و دۆراندن بەجیاوازی گۆڵێك دەگاتە قۆناغی داهاتوو، لەبارەی یارییەكە گووتی ماركیزی ئەمرۆ بەشێوەی سەرەكی بەشداری دەكات.

راهێنەرە ئیتاڵییەكە زیاتر دەڵێت: كیلینی لە پێكانەكەی چاكبۆتەوە و دەتوانێت یاری بكات، بەڵام هێشتا بریاری كۆتاییم نەداوە بەشێوەی سەرەكی بەشداری دەكات یان نا.

محمد سلێمان