لە یاریگەی دووەمی شەهید فرەنسۆ هەریری كۆتایی بە پاڵەوانێتی فاست لینك بۆ یانەكانی پارێزگای شاری هەولێر لەسەر ئاستی تازەپێگەیشتووان هات، كە تیاییدا هەشت یانە بەشداری تیاییدا كردبوو بەسەر دوو كۆمەڵە دابەش كران و هەردوو یانەی هەولێر و ئارارات توانیان بگەنە یاری كۆتایی پاڵەوانێتیەكە.
لە یارییەكی بەهێزدا و بە ئامادەبوونی رێژەیەكی زۆری هاندەران یانەی ئارارات توانی نازناوی خولەكە بباتەوە، دوای ئەوەی توانی بە ئەنجامی (3-2) گۆڵ لە یانەی هەولێر بباتەوە.
لە كۆتایی یاترییەكە مەراسیم بەسەر تیپە سەركەوتووەكان دابەش كرا.
هەر لەم پاڵەوانێتیە خەڵاتە تاكەكان بەمشێوەیە بوو.
1- یوسف عەلی یاریزانی یانەی پێشمەرگەی هەولێر بووە باشترین یاریزانی خولەكە.
2- یوسف نازم گۆڵپارێزی یانەی ئارارات بووە باشترین گۆڵپارێزی خولەكە.
3- ئەحمەد جەوهەر یاریزانی یانەی ئاڵا بووە گۆڵكاری خولەكە بە تۆماركردنی 3 گۆڵ.
4- یانەی مەخمور خەڵاتی تیپی نموونەیی وەرگرت.
جێگەی باسە ئەم پاڵەوانێتیە لە لایەن یانەی هەولێر بە هاوكاری یەكێتی تۆپی پێی لقی هەولێر و بەسپۆنسەری كۆمپانیای فاست لینك ئەنجام درا.
رێبین رەمزی