راپۆرتە رۆژنامەنوسیەکان ئاماژە بەوە دەکەن، کە ئەلڤارۆ مۆراتاى هێرشبەرى ریاڵ مەدریدى ئیسپانى هەست بە ئاسودەیى ناکات لە یانەکەدا، بەهۆى ئەوەى زیدانى راهێنەرى یانەکە پشتى پێ نابەستێت و چند خولەکێکى کەم یارى پێ دەکات.

رادیۆى کادینا سێرى ئیسپانى بڵاویکردووەتەوە، کە ئەلڤارۆ هەست دەکات لەلایەن زیدانى راهێنەرەوە هەڵخەڵەتێنراوە، کە پێشتر بەڵێنى پێدابوو زیاتر یارى پێ بکات.

ئاماژەى بەوەش کردووە، کە مۆراتاى ٢٤ ساڵ، داواى لە بەڕێوەبەرى کارەکانى کردووە گرنگى بەو گرێبەستانە بدات کە پێشکەشى دەکرێن و نیازى هەیە لە هاوینى داهاتوودا ریزى یانەکە بەجێبهێڵێت و یانەکانى یۆڤانتۆس و ئارسناڵ و چێڵسى ئینگلیزیش ئارەزوو دەکەن گرێبەستى لەگەڵ ئیمزابکەن.

محمد سلێمان