رۆژنامەیەكی ئینگلیزی بڵاوی كردەوە یانەی ریال مەدرید داواكارییەكی لەلایەن چێڵسییەوە پێگەیشتووە لەبارەی گواستنەوەی تیبۆ كۆرتوا.

رۆژنامەی ئێكسپرێسی بەریتانی بڵاوی كردەوە: یانەی چێڵسی ئامادەیی خۆی دەربریوە بە بۆندەكەی یانەی ریال مەدرید رازی بێت و دەستبەرداری تیبۆ كۆرتوای گۆڵچی ببێت.

ئەو سەرچاوەیە دەڵێت: بەڵام چێڵسی بۆ سەركەوتنی بۆندەكە مەرجێكی بۆ ریال مەدرید داناوە و داوای ئەلڤارۆ مۆراتای هێرشبەری كردووە.

ریال مەدرید بۆندێكی فەرمی پێشكەشی چێڵسی كردووە تا كۆرتوا بكاتە گۆڵپارێزی تیپەكە و لە وەرزی داهاتوو بە هاوبەشی لەگەڵ ناڤاس یاری پێبكات، بۆیە تیپەكە دەبێت وەڵامی مەرجەكەی چێڵسی بداتەوە كە دەستبەرداربوونە لە مۆراتا.

محمد سلێمان