وەک ئاشکرایە نرخی یاریزانی ئەم سەردەمە نوێیەی تۆپی پێ، هەمیشە بووەتە جێگەی سەرنج و ڕەخنە و بابەتی بەراوردکاریی ئێستا بە زەمەنەکانی پێش ئێستا، لەم بارەیەوە دوێنێ فلیپۆ ئینزاگی یاریزانی پێشووی هەڵبژاردەی ئیتاڵیا و یانەکانی پارما و یوڤەنتوس و ئەی سی میلان لە بەرنامەی “ڕای ئونۆ شۆ” سەبارەت بە گواستنەوەی یاریزانان چەند سەرنجێکی خۆی خستە ڕوو.

پیپۆ کە ساڵی ۲٠٠۱ لە یوڤانتۆسەوە بە بڕی ۳۵ ملیۆن یۆرۆ پەیوەندی بە میلانەوە کرد، کریستیان ڤێری هاونیشتیمانیشی کە دوو ساڵ پێشتر لە لازیۆوە بۆ ئینتەرمیلان بە بڕی ٤۳ ملیۆن یۆرۆ گواسترابووەوە، وەک تێبیبنی زەقی لەسەر نرخی یاریزانانی سەردەم بێت، گۆنزالۆ هیگیواینی بە نموونە هێنایەوە و وتی: “ئەگەر نرخی هیگواین ۹٠ ملیۆن یۆرۆ بێت، دەبوو نرخی من و ڤێری چەند بوایە؟.

ئەم لێدوانەی ئینزاگی بە میدیا جیهانییەکاندا بڵاوەی کردووە و هەریەکە و بە جۆرێک خوێندنەوەی بۆ ئەکەن، بە تایبەتی لە ڕووی بەراوردکاریی ئاست و نرخی یاریزانانی سەردەمی ئێستا، بە ساڵانی ڕابردوو.

hamataqana