دوای ئەوەی لویس ئینریکى ڕاھێنەرى بەرشەلۆنە داواى لە ئیدارەى تیپەکەى کرد کە ئەو کەسە بدۆزنەنەوە کە هەواڵەکانى یانەکە دەگەینێتە ڕۆژنامەکان و دزە بەپێکهاتەى تیپەکەى دەکات لەئێستادا بەرشەلۆنە گفتوگۆى لەگەڵ ئەلێکس ڤیدالى یاریزانى تیپەکەى کردووە و داواى لێکردووە پشوو درێژ بێت.

ئەمە لەکاتێکدایە کە چەندین ڕۆژنامە باسیان لەوە کردووە کە ئیدارەى بەرشەلۆنە داواى لەڤیدال کردووە لەڕاهێنانەکاندا پشوو درێژ بێت و بەهیچ شێوەیەکیش دزە بەوتەکانى تیپەکەى نەکات بۆ رۆژنامەکان.

لەلایەکى ترەوە بەرشەلۆنە لەئێستادا پلانى هەیە لەگواستنەوەى زستانەى یاریزاناندا دەستبەردارى ئەلێکس ڤیدال بێت و هەر یانەیەک ئەو یاریزانەى بوێت بەبڕى 13 ملیۆن یۆرۆ ئەتوانێت گرێبەستى لەگەڵ ئیمزا بکات.



hamataqana