یانەی ریال مەدرید لە سێ یاری كۆتادا كە ئەنجامی داوە نەیتوانیوە سەركەوتن تۆمار بكات و وە لە 2 یاری لە لالیگا تووشی یەكسان بوون هاتوە و لە دوا یاریشیدا لە چامپیۆنزلیگ بەرامبەر بە دۆرتمۆند تووشی یەكسان بوون هات لەسەر ئەم بابەتەش رۆژنامەیەكی ئیسپانی بڵاوی كردۆتەوە كە فلۆرێنتینۆ پێرێزی سەرۆكی یانەی ریال مەدرید بانگهێشتی زێنەدین زێدانی راهێنەر كردووە و داوای روونكردنەوەی لێكردووە.

ئەو یانانەی كە ریال مەدرید تووشی یەكسان بوون هات لەگەڵیاندا ئەویش (ڤیاریال و لاس پالماس و دۆرتمۆند) بوو، بۆیە زێدان لەلایەن سەرۆك یانەكەیەوە بانگهێشتكرا و داوای روونكردنەوەی لێكرد.

رۆژنامەی سپۆرتی ئیسپان بڵاوی كردەوە: پێرێز بە زێدانی ووتووە چی بووە و چی روودەدات؟ هۆكارەكان ئەم یەكسان بوونانە چین؟، زێدانیش سەرۆكەكەی دڵنیاكردۆتەوە لەوەی كە بارودۆخەكە چارەسەر دەبێت.

هەرهەمان سەرچاوە ئەوەیشی بڵاوكردۆتەوە كە پێرێز مەرجی بۆ یارییەكانی داهاتوو داناوە كە پێویستە یارییەكان ببەنەوە و چیتر خاڵ لەدەستنەدەن.

hamataqana