ڕاهێنەرى ئینگلتەرا بڕیاریدا وەین ڕۆنى هێرشبەرى مانچستەر یونایتد وەک کاپتنى هەڵبژاردەکەى بمێنێتەوە.

لە لێدوانێکى رۆژنامەنوسیدا، سام ئەلاردایسى ڕاهێنەرى نوێى هەڵبژاردەى ئینگلتەرا ڕایگەیاند، کە وەین ڕۆنى کاپتنى یانەى مانچستەر یونایتد خاوەنى ڕێزێکى زۆرە لە نێوان هاوکارەکانیدا و شایستەى ئەوەیە کاپتنى هەڵبژاردەى ئینگلتەرا بێت.

ئەلاردایس پێیوایە ڕۆنى تواناى ئەوەى هەیە ببێتە کاپتن، کە بەرپرسیارییەتییەکى گەورەیە و پەیوەندى بە کەسایەتییەوە هەیە، لەکاتێکدا هەندێک یاریزان نایانەوێت ئەو بەرپرسیارێتییە وەربگرن.

ڕۆنى تەمەن ٣٠ ساڵ و گۆڵکارى مێژوویى ئینگلتەرا، لە ساڵى ڕابردوودا و دواى وازهێنانى ستیڤن جیرارد، شارەى کاپتنى هەڵبژاردەکەى پێ بەخشرا.

hamataqana