دوای بەدوای تۆمار کردنی دوو سەرکەوتنی یەک بەدوای یەک، زلاتان ئیبڕاهیمۆڤیچی هێرشبەری شەیتانە سوورەکان ڕایگەیاند کە یانەکەی دەتوانێت نازناوی پرێمەر لیگ بەدەست بهێنێت.

لەم بارەیەوە، ئیبرا بە سایتی (فۆر فۆڕ توو)ی ڕاگەیاندووە کە بە دەستپێکە باشەکەی یانەکەی و خودی خۆی لە پڕیمەر لیگ دڵخۆشە، بۆیە دەتوانێت بە گەشبینیەوە بڵێت کە دەتوانن نازناوەکە ببەنەوە، هەروەها گوتیشی ڕاستە من 3 گۆڵم تۆمار کردووە، بەڵام ئەوەی بەلای منەوە گرنگە بردنەوەی یانەکەمە، خولەکە دوور و درێژە، بۆیە پێویستە زۆر بە باشی کار بکەین تا ئامانجەکانمان بپێکێن.

ئاشکرایە، کە شەیتانە سوورەکان بە سەرپەرشتی جۆزێ مۆرینیۆ لە یەکەمین دوو گەڕی پرێمەر لیگدا توانیان بە ئەنجامی 3-1 بەسەر بۆرنمۆس سەرکەون و دواتریش بە ئەنجامی 2-0 لە یانەی ساوسهامبتۆنیان بردەوە.

hamataqana