بەمەبەستی رێكخستنەوەی قوتابخانە و فێرگەكانی تایبەت بەتۆپی پێی لە هەرێمی كوردستان، یەكێتی تۆپی پێی كوردستان بریاریدا خولێكی تایبەت بە راهێنەرانی قوتابخانە و فێرگەكانی تۆپی پێی كوردستان لە رۆژی (5-9-2016) لە شاری هەولێر ئەنجام بدات.
لە خولە وانەبێژ و پرۆفیسۆر د.جەمال ساڵح وانەكان بەشێوەیەكی پراكتیكی و تیوەری دەڵێتەوە و لە كۆتایی خولەكەش بروانامەی باوەر پێكراو بۆ بەشداربووەكان دەدرێت، كە یەكێتی تۆپی پێی كوردستان لە داهاتوو مامەڵە بەم بروانامەیە دەكات.
جێگەی باسە یەكێتی تۆپی پێی كوردستان بریاریداوە هەر قوتابخانەیەك و فێرگەیەك تەنیا یەك راهێنەر بەشداری لە خولەكە دەكات و دواین كات بەگەیشتنی ناوی راهێنەران رۆژی شەممە 27-8-2016 دەبێت.
رێبین رەمزی