وا بریارە رۆژی شەممە 27-8-2016 كۆنفراسێكی تایبەت بەخولی نایابی یانەكانی كوردستان كاتژمێر 4ی ئێوارە لە هۆڵی كۆبوونەوەكانی هۆتێڵی وڵات ئەنجام بەدرێت بەمەبەستی تاوتێوكردنی چۆنیەتی بەرێوەچوونی خولی نایابی كوردستان لەم وەرزە و ئەنجامدانی تیروپشكی خولەكە.
هەر لەم كۆنفراسە هەریەكە لە سەرۆك و جێگر و گشت ئەندامانی یەكێتی تۆپی پێی كوردستان و سەرۆكی لقەكانی تۆپی پێی پارێزگاكانی كوردستان (هەولێر، سلێمانی، دهۆك، كەركووك) و نوێنەری یانە پلە نایابەكانی كوردستان تەنیا یەك كەس مافی ئامادەبوونی هەیە و بەنووسراوی فەرمی بەمەرجێك (سەرۆك یان سكرتێر یان ئەندامی دەستەی كارگێری یانە) بانگهێشتكراون.
جێگەی باسە وا بریارە لە رۆژی 20-10-2016 دەستپێكی خولی پلە نایابەكانی كوردستان بێت بۆ وەرزی 2016-2017.
رێبین رەمزی