وا بریارە رۆژی شەممە شاندی هەڵبژاردەی عێراق بەرەوە وڵاتی قەتەر بەرێبكەون بەمەبەستی ئەنجامدانی یارییەكی دۆستانە لەگەڵ هەڵبژاردەی قەتەر بۆ ئەم مەبستەش راهێنەری هەڵبژاردەكە دوو یاریزانی دوورخستەوە.
بەفەرمی رازی شنێشل راهێنەری هەڵبژاردەی عێراق بریاری دوورخستنەوەی دلێر حاتم-ی گۆڵپارێز و ئەحمەد نازم-دا و یاوەری شاندەكە نابن لە گەشتەكەیان بۆ وڵاتی قەتەر بەهۆی نارازیبوون لە ئاستی هەردوو یاریزان لە لایەن ستافی راهێنەران.
لە لایەكی ترەوە هەردوو یاریزانی شاری هەولێر بەیار ئەبو بەكر و میران خەسرەو و گۆڵپارێزی زاخۆ دلۆڤان مەهدی پێگەی خۆیان لە هەڵبژاردەی عێراق قایم كردووە و یاوەری شاندەكە دەبن بۆ وڵاتی قەتەر، هەروەها ئالان محیەدین لە دوحەی پایتەختی قەتەر پەیوەندی بە هەڵبژاردەی عێراق دەكات.
رێبین رەمزی