لێژنەی پێشبركێەكانی یەكێتی تۆپی پێی عێراق لە كۆبوونەوەی خۆیدا راسپاردەكانی ئاراستەی یەكێتی تۆپی پێی عێراق كرد بەمەبەستی تاوتیوكردنی راسپاردەكانی لە كۆبوونەوەی رۆژی سێشەممە بۆ ئەوەی بریاری كۆتایی خۆیان لەسەر چۆنیەتی بەرێوەچوونی خولەكە بدەن.
لێژنەی پێشبركێەكان بەسەرۆكایەتی عەلی جەبار لەم كۆبوونەوەیە چەندین راسپاردەی ئاراستەی یەكێتیەكە كرد، كە بەمشێوەیە:
1- خولی عێراق لە 20 یانە پێك دێت.
2- خولەكە بە شێوازی خول بە دوو قۆناغ ئەنجام دەدرێت.
3- خولەكە لە 15/9 دەست پێ دەكات.
لەگەڵ ئاراستەكردنی ئەم سێ راسپاردەیە، راسپاردە لەسەر چۆنیەتی بەرێوەچوونی خولەكە و كاتی دەستپێكردن و كۆتایی هاتنی خولەكەش بەمشێوەیە:
پێشنیاری یەكەم: یارییەكان چوار رۆژ جارێك ئەنجام بدرێت:
یارییەكانی قۆناغی یەكەم 15-9-2016 دەست پێ بكات و لە رۆژی 30-12-2016 تەواو بێت.
قۆناغی دووەم لە رۆژی 1-2-2017 دەست پێ دەكات و لە رۆژی 24-6-2017 تەواو دەبێت.
پێشنیاری دووەم:
پێنج رۆژ جارێك یارییەكان ئەنجام بدرێت.
یارییەكانی قۆناغی یەكەم لە رۆژی 15-9-2016 دەست پێ دەكات و لە رۆژی 14-1-2017 تەواو دەبێت.
قۆناغی دووەم یارییەكان لە رۆژی 1-2-2017 دەست پێ دەكات و لە رۆژی 11-6-2017 تەواو دەبێت.
پێشنیاری سێیەم:
یارییەكان شەش رۆژ جارێك ئەنجام بدرێت.
یارییەكانی قۆناغی یەكەم لە رۆژی 15-9-2016 دەست پێ دەكات و لە 20-1-2017 تەواو دەبێت.
یارییەكانی قۆناعی دووەم لە رۆژی 6-2-2017 دەست پێ دەكات و لە رۆژی 12-7-2017 تەواو دەبێت.
ئەم راسپاردانە فەرمی نییە، بەڵكو گفتوگۆی لەسەر دەكرێت و یەكێتی تۆپی پێی عێراق رۆژی سێشەممە بریاری كۆتایی خۆی لەسەر ئەم راسپاردانە دەدات.
جێگەی باسە قسە و باسێكی زۆر هەبوو هەردوو یانەی دهۆك و برایەتی لە خولی نایابی عێراق لە وەرزی داهاتوو یاری بكەن، بەڵام ئەمە نەبوو راستی، بەڵكو بە دوو زانرا ژمارەی یانەكان زیاد بكرێت.
رێبین رەمزی