هەڵبژاردەی تازەپێگەیشتووانی عێراق بەشداری لە جامی نەتەوەكانی ئاسیا لە هیندستان دەكات بە راهێنەرایەتی قەحتان جەسیەر، ئەم هەڵبژاردەیە ئێستا لە ئۆردوگایەكی مەشقییە لە وڵاتی ئیمارات و رۆژی هەینی یارییەكی دۆستانەی بەرانبەر هەڵبژاردەی تازەپێگەیشتووانی ئیمارات ئەنجام دا و یارییەكی بە ئەنجامی (3-1) گۆڵ بردەوە.
لەم یارییە یاریزانی یانەی هەولێر ئەحمەد سەرتیپ ناسراو بە (لولو) ئاستێكی بەرزی پێشكەش كرد و توانی گۆڵی سێیەم بۆ هەڵبژاردەی عێراق تۆماربكات.
جێگەی باسە ئەحمەد سەرتیپ تاكە یاریزانی كوردە لە ریزی هەڵبژاردەی تازەپێگەیشتووانی عێراق و ئێستا لە تاقیكردنەوەیە لەگەل یانەی كرۆتۆنی ئیتاڵی، كە لە وەرزی ئەمساڵدا سەركەوت بۆ خولی نایابی ئیتاڵی.
رێبین رەمزی