بە پێی ھەواڵێكی پێگەی ئاسی ئیسپانی حكومەت و یەكێتی تۆپی پێی ئەرجەنتین داوایەكیان ئاراستەی دیگۆ سیمیۆنی راھێنەری یانەی ئەتلەتیكۆ مەدرید كردووە كە فریاری ھەڵبژاردەی ووڵاتەكەیان بكەوێت و ئەركی راھێنانی ھەڵبژاردەكە بگرێتە دەست.

داواكەی ئەرجەنتین بە شیوەیەكە كە سیمیۆنی بتوانێت لە راھێنەرایەتی یانەی ئەتلەتیكۆ مەدرید بەردەوام بێت و لە یاریە رەسمیەكانی ئەرجەنتینیش وەك راھێنەر كار بكات بە تایبەت بۆ یاریەكانی پاڵاوتنی گەیشتن بە مۆندیالی رووسیا، واتا سیمیۆنی لە یەك كاتدا راھێنەری یانەی ئەتلەتیكۆ و ھەڵبژاردەی ئەرجەنتینیش وەربگرێت، ئەوەی جێی ئاماژەیە پێشتریش یەكێتی تۆپی پێی پورتوگال ھەمان داوای ئاراستەی خۆسێ مۆرینیۆ كردبوو بەڵام یانەی ریاڵ ئامادە نەبوو رێگە بە مۆرینیۆ بدات ئەو كارە بكات و تا ئێستاش یانەی ئەتلەتیكۆ و دیگۆ سیمیۆنیش وەڵامی ئەرجەنتینیەكانیان نەداوەتەوە.


hamataqana